kotnam పాటలు

కొట్నం బులా దంచరే కోరిక లోసగేటి గోపాలుని ఎదుట !!కొట్నంబుల!!

1. సురలు మునులు చుట్టాలు గుమిగూడి ||2||

కరుణ గోరుచు పాడగా మనసుదీరా ||2||. !!కొట్నంబుల!!

2. కాంతలు సురభిలు గైకొని విసరాగా ||2||

ఎంతో సంతోషమున కాంతి జనకుడు ఉండగా !!కొట్నంబుల!!

3. పరమా పావనుడైన బాలగోపాలుడు ||2||

వర రుక్మిణి తొడ సరసమాడుచు ఉండగా ||2||. !!కొట్నంబుల!!

4. ధరను తిరుమల సూరి తలచగా వరమేడు

నరహరి పెండ్లిపుడు అరమర లేలని ||2||. !!కొట్నంబుల!!

____________________________________________________

సువ్వి సువ్వి సువ్వి సువ్వని సుదతులు దంచెద రోలాల || || సువ్వి||

1. వనితలు మనసులు కుందెన చేసిటు వలపులు తగనించోలాల||

కనుచూపులనెడుకండ్లను కన్నెలు దంచెద రోలాల||| || సువ్వి||

2. బంగరు చెరుగుల పట్టు పుట్టములు కొంగులు దూలగా నోలాల|

అంగనులందరు నతి వేడుకతో సంగడి దంచెద రోలాల || || సువ్వి||

3. కురులు దూలగా మంచి గుబ్బఛనులపై సరులు దూలాడగా నోలాల

అరవిది బాగుల నతివలు ముద్దులు గురియుచు దంచెద రోలాల|| || సువ్వి||

4. ఘల్లు ఘల్లు మను కంకణ రవముల పల్లవ పానుల నోలాల

అల్లన నడుములు అసియాడుచు సతు లొల్లనే రోలాల || సువ్వి||

5. కప్పుర గందులు కమ్మని పువ్వుల చప్పరములలో రోలాల

తిప్పలుగా రతి దేలుచుకునే టప్పని బాడేదా రోలాల || సువ్వి||

_________________________________________________

రోలెత్తలేను రోకలెత్త లేను ఓయమ్మో

చామంతి క డియాల చేతులెత్తలేను ఓయమ్మో ‌ ||ఆహు||

1.చెలులందరూ గూడి చక చక రారమ్మ

చందనాల పసుపు చేరి దంచంగా

ఈ కుందనాల పసుపు కుదిపి దంచంగా ‌ ||ఆహు||

2.రమణులంతా వచ్చి రంగవల్లులు దిద్ది

రోళ్ళను పూజించి వేల్పులను వేడి ‌ ||ఆహు||

3. ముగ్గురమ్మలు ముక్కోటి దేవతలు రారండి

అబ్బాయి పెళ్ళికి ఆహ్వాన మిదె మీకు

మా అబ్బాయి పెళ్ళికి ఆహ్వాన మిదె మీకు ||ఆహు||

4. పసిడి మనసులతో పసుపును సృజించి

దివ్యవాక్కులతో దీవించు పోరండి ‌ ||ఆహు||

5. పసుపు కుంకుమతో పండు ముత్తయిదువలు

శుభమని పలుకుచు సుందరాంగులంతా ||ఆహు ||

6. పసుపును దంచేరు పడతులంతా గూడి

పచ్చంగా నూరేళ్లు పరిఢ లిల్లాలని ||ఆహు ||

7. దంచి దంచి వదినెలు అలసిపోయారు ఓయమ్మ

ఫలహారాలు పెట్టి పైకి లేపండి. ||ఆహు ||

8. చెరిగి చెరిగి చెల్లులు అలసిపోయారు ఓయమ్మా

చెరుకు రసాలతో సేద తీర్చండి. ||ఆహు ||

____________________________________________

కుందనాల రోలు తెచ్చి కుంకుమ బొట్లు పెట్టి

ఐదు దోసెళ్ళ కొమ్ములెయ్యరారమ్మ