ఏమైతే నాకేంటి

బాల్యం ఒత్తిడి  కి లోనై చెక్కిలి చిరునవ్వునే
హరిస్తు ఉంటే , బ్రతుకు పరుగు పందెంలో బలవ్వాల్సిందే,
తర్వాత  ఏమైతే  నాకేంటి !!

దారిలో  వెళ్తుంటే సాటి వ్యక్తికి ప్రమాదమై
గిల గిల కొట్టుకుంటుంటే ,నా  పని నాకు ముఖ్యం
తనకేమైతే నాకేంటి  !!

నాటిన పచ్చని చెట్టు నీళ్ళకై అలమటించి
నిర్జీవమై వేళ్ళాడి  చనిపోతుంటే, నా దారి నాదే
తరువు మరణిస్తే నాకేంటి  !!

ప్రపంచం  అంతా కాలుష్యం కోరల్లో  చిక్కుకొని
మన ఉనికినే ప్రశ్నిస్తూఉంటే, అయినా ప్లాస్టిక్ వాడతాం
ఏదేమైతే నాకేంటి !!

జీవన చదరంగంలో గెలిచే యత్నంలో
వంచన చేస్తూ వంచిపబడుతూ ఉంటాం, అయితే
నాకేంటి !ఆహా నాకేంటి!!

                                  ..... వంగీపురం ప్రశాంతి